Pavarësisht se janë motra, ndryshojnë shumë në karakter dhe në stil.
Solange Knowles s’ka përse t’i përshtatet përsosurisë së Instagram-it, ndryshe nga Beyonce.
Artistja postoi një foto që është krejt e kundërta e fotove perfekte, me veshjen, flokët dhe grimin perfekt të shumicës së artisteve të njohura në Instagram, përfshirë motrën e saj Beyonce, që e ka pranuar vetë se perfeksioni është qëllimi i saj.
Fotoja e Solange është shkrepur nga paparacët, pa efekte të caktuara drite apo në këndin e duhur të fytyrës. Fytyrën e ka të mbuluar me gunga dhe njolla të kuqe, të shkaktuara nga pickimet e mushkonjave.
“Selfie im i preferuar, dhe ai që i qëndron më shumë besnik vetes sime”, shkroi ajo krah fotos.
Ajo preferon të jetë vetvetja e të mos i përshtatet shijes së masës edhe në muzikë.
