Emina Çunmulaj është modelja me të cilën shqiptarët bëhen krenarë. Jo vetëm me arritjet e saj në fushën e modelingut, por ajo ka treguar gjithashtu se ka një zemër të madhe.
Prej disa ditësh Emina ka qenë në vëmendje të mediave për bamirësinë që ka bërë duke ndihmuar disa familje të varfra.
Por në një intervistë për TiranaToday, modelja ka folur paksa për jetën private dhe marrëdhënien me bashkëshortin, biznesmenin izraelit Sam Nazarian.
Në pyetjen sesi e ka bërë për vete milionerin izraelit me të cilën është e martuar , Emina ka një përgjigje interesante.
“Po, de. Kur i them “Ta hangsha zemrën” më thotë: Ti je e çmendur. Si po dëshiron me ma hëngër zemrën. Nuk i ka parasysh këto shprehje i shkreti, nuk i kupton. Nuk e di. Unë në fund të fundit jam një vajzë e thjesht. Jeta ime nuk asht ajo e rrjeteve sociale, jeta ime luksoze. Unë hipi majë traktorit siç edhe hipi në avion. I kam njësoj. Jam kush jam. Urdhëro nëse do, nëse jo, ditën e mirë. Tani kur e solla në malësi, e pa se ne të gjithë bërtasim. Edhe qeshim”, tha modelja.
Modelja shqiptare ka folur edhe rreth karakterit të vet dhe gjërave të përbashkëta që ka me bashkëshortin.
“Shumë. Unë jam kokëfortë, ai është kokëfortë. Unë jam femër Alfa, ai është mashkull Alfa. Përgjithësisht ai vjen nga një familje shumë modeste dhe filantropike. Ai ka një prejardhje iraniane dhe nuk e kam dit se sa të përbashkëta kanë iranianët me shqiptarët, në kuzhinë, mikpritje dhe tradita. Krejt. Në fillim nuk i kuptova, por pastaj nga një muaj në tjetrin kuptova që kemi shumë gjëra të përbashkëta. Ai më përkrah në çdo gjë që bëj”, tha Emina. /Tiranatoday
