Deri tani Noizy na ka prezantuar me njërën nga dashuritë e mëdha të jetës së tij që është vajza Leandra, por…pak persona e dinë që dashuria tjetër e reperit ka qenë edhe mamaja e vajzës.
30-vjeçari njihet tashmë si një “donzhuan” në marrëdhënie me femrat, por nëse do ta pyesnim për dashurinë e parë, me siguri do të përmendë atë të adoleshencës, para moshës 20 vjeç, me një vajzë 4 vite më të madhe se ai.
Ata u dashuruan dhe sollën në jetë Leandrën, e cila sot është 10 vjeç dhe jeton me mamanë në Londër.
Pasi u kthye nga Anglia, Noizy realizoi ëndrrën duke u bërë reperi më i kërkuar dhe i suksesshëm, megjithatë asnjëra nga vajzat nuk arriti të zërë vendin e dashurisë së tij të parë.
Sipas miqve të afërt të këngëtarit, vajza me tipare të thjeshta në pamjen e saj e kishte lënduar Noizy-n për faktin se e kishte tradhtuar kur ishin bashkë. Sipas tyre, jo vetëm që e kishte tradhtuar, po dhe ia kishte pohuar vetë këtë fakt duke e lënduar dyfish.
Pavarësisht të gjithave, Noizy nuk mund ta harronte atë që ai e quante në biseda dhe intervista thjesht “mamaja e vajzës”.
Noizy vetë e ka pranuar se e ka dashur shumë mamanë e vajzës për të cilën dihet shumë pak.
Madje edhe e mbante tatuazh fytyrën e saj në krahë deri para pak kohësh.
Megjithatë tashmë ajo mbetet një histori e shkuar për reperin, i cili mori vendimin ta heqë tatuazhin nga krahu, për t’i lënë vend një kapitulli të ri në jetën e tij personale.
