Ashtu si gjithmonë Kate Middleton, nuk ka zhgënjyer kurrë me veshjen e saj. Duka dhe Dukesha e Kembrixhit bënë një vizitë solemne në varret e luftëtarëve në Ypres të Belgjikës sot, ndërsa përkujtuan 100-vjetorin e Betejës së Passchendaele-s, ku qindra mijëra ushtarë aleatë mbetën të vrarë.
Edhe sot ajo ‘goditi përsëri në shenjë’ me veshjen e saj teksa zhvilloi një vizitë në varrezat e të rënëve.
E veshur me të bardha nga “Catherine Walker”, Kate ka treguar se di të bëjë zgjedhjen e duhur në çdo takim që shkon. Edhe pse disa herë është etiketuar si “princesha që thyen protokollin”, ajo na tregoi që jo vetëm respekton më së miri rregullat e familjes mbretërore, por pa anashkaluar edhe trendet më të fundit dhe të ndjerit shumë komode.
Fustani i saj ishte një riciklimin i veshjes së bardhë të Aleksandër McQueen që përdori në pagëzimin e Princeshës Charlotte, me disa ndryshime të vogla që bënin sigurisht diferencën.
Pjesa fundore e fustanit dhe e mëngëve ishte e punuar me dantellë ngjyrë gri që i jepte një hije të përsosur për rastin solemn.
Gjithashtu krahas lules së kuqe, Dukesha kishte vendosur edhe një karficë me gurë diamanti dhe margaritarësh, po ashtu të ngjashme me karficën e vendosur në ditëlindjen e princeshës së vogël.
Kush tha që ‘nuk respekton protokollin’? Kate Middleton sapo na tregoi që s’gabon kurrë me veshjen.
Burimi: Daily Mail
