Çfarë të bëni gjatë kësaj jave: 31 korrik - 6 gusht 2017

4, 5, 6 gusht

Turtle Fest/Drymades

Lexo edhe :

Brenda “burgjeve për obezët” që janë bërë modë në Kinë: Të mbyllur duke ushtruar katër orë në ditë

15:52 13/04/26

Sulm ajror në jug të Libanit: 9 të vdekur dhe 13 të plagosur në Tefahta

14:24 13/04/26

Turtle Fest hyn në edicionin e tij të 6-të si një histori e konsoliduar suksesi, një realitet artistik dhe kulturor gjithnjë në zhvillim, i cili vit pas viti pasurohet prej entuziazmit dhe sharmit të pjesmarrësve, të cilët janë padiskutim pjesë e familjes së madhe të Breshkës. Një festë e bukur kampi, si e tillë fillon historia 6 vjeçare eTurtle Fest, tashmë një prej festivaleve muzikore më të mëdha në vend, e cila në 3 ditë dhe 3 netë mbledh Dj-ët më të rëndësishëm të skenës Alternative Europiane & Shqiptare dhe numëroi edicionin e kaluar pjesmarrjen e mbi 4500 adhuruesve të muzikës.

1 gusht

Italo, regjia nga Alessia Scarso

Film

Instituti Italian i Kulturës, Zyra Kulturore e Ambasadës Italiane në Tiranë ka kënaqësinë t’ju ftojë në shfaqjen e filmit “Bukuroshët e babait” nga Guido Chiesa në kuadër të edicionit të 2-të të Përmbledhjes kinematografike verore 10 Netët e Kinemasë Italiane.

Të martën, ora 21:00, Kino në Re!

21 korrik – 25 gusht

“Vepra të kthyera”

Ekspozitë

Vepra të kthyera : Gjatë muajve korrik dhe gusht 2017, Galeria Kombëtare sjell për publikun një ekspozitë me vepra dhe autorë shqiptar nga fondi i saj. Janë 45 piktura dhe 9 skulptura të cilat kanë një histori të veçantë.

Me qëllim ekspozimin dhe kurimin e imazhit, këto vlera jetuan për shumë vite, (disa prej tyre nga viti 1981) në disa institucione të Shtetit shqiptar. Dokumentacioni përkatës dhe afatet kohore nuk u respektuan, prandaj shumë prej këtyre veprave u braktisën për vite me radhë nëpër magazina, u dëmtuan dhe u lanë jashtë çdo standarti të ruajtjes dhe mirëmbajtjes, ndërsa shumë të tjera u zhdukën.

Ato janë punë të mbi 90 artistëve shqiptar si Vangjush Mio, Abdurrahim Buza, Zef Kolombi, Sadik Kaceli, Angjelin Dodmasej, Zef Shoshi, Guri Madhi, Danish Jukniu, Odise Paskali, Agim Zajmi, Qamil Grezda, Sali Shijaku, Ismail Lulani, Kel Kodheli, Skënder Kamberi, Petro Kokushta, Hasan Nallbani, Agim Faja, Bashkim Ahmeti, Mustafa Arapi, Besim Golemi, Nikolin Ivanaj, etj.

Në fillim të vitit 2014 Galeria Kombëtare e ktheu në prioritet kthimin e këtyre veprave në shtëpi. Përmes një proçesi jo të lehtë, arritëm të kthejmë 66 piktura dhe skulptura.

Pothuajse të gjitha veprat që u kthyen në GKA kishin nevojë emergjente për restaurim, prandaj i’u nënshtruan menjëherë ndërhyrjeve konservuese nga laboratori i restaurimit dhe përmbushjes së standarteve për ekspozimin e tyre.
Mungesa prej vitesh në ekspozita dhe kthimi i tyre në identitet, na nxiti t’i ekspozojmë gjatë këtij sezoni veror, për publikun shqiptar dhe të huaj.

Ekspozita nuk bazohet në një koncept kuratorial, por vlera e tyre artistike kombëtare, kthimi në fondin e GKA, shpëtimi dhe restaurimi, meritojnë të shfaqen për të gjithë ata që e duan artin figurativ shqiptar.