Ikona franceze Jeanne Moreau ndërroi jetë në moshën 89-vjeçare. Aktorja, këngëtarja dhe skenaristja është padyshim personazhi më i njohur në filmin e famshëm të François Truffaut ” Jules et Jim ” në vitin 1962 dhe ikona që bën krenar gjithë botën artistike franceze.
E lindur më 23 janar 1928 në Paris, Jeanne Moreau kaloi një pjesë të fëmijërisë së saj në Vichy para se të kthehej e të vendosej me familjen në Paris. Babai i saj drejtoi një fabrikë birre dhe nëna e saj me prejardhje britanike ishte valltare në Folies Bergere.
Ajo arriti kulmin e famës dhe u kthye në portretin e kinemasë franceze gjatë viteve 60’. Ajo ka marrë shpërblime të shumta dhe arritje të mëdha në jetë, duke përfshirë një bursë të BAFTA-s të dhuruar në vitin 1996. Shumicën e kohës ajo është parë me cigare, e pinte shumë edhe pse zëri i saj mbetej po aq sensual.
Jeanne Moreau ishte mike dhe bashkëpunëtore e shumë gurëve më të njohura në kinemanë franceze, përfshirë Jean FCocteau, Jean Genet dhe Marguerite Duras. Ajo fitoi shumë çmime duke përfshirë çmimin më të mirë të aktores në Kanë etj.
Ajo ka punuar me Orson Welles në disa filma dhe ka fituar çmimin Bafta për aktoren më të mirë të huaj për Viva Maria në vitin 1967. Jeanne d’Hauteserre, kryebashkiaku i Parisit konfirmoi lajmin duke e përshkruar atë si: “Aktorja me bukurinë sensuale dhe zërin e paimagjinueshëm që ka hipnotizuar drejtorët më të mëdhenj artistikë gjatë një karriere prej 65 vitesh”.
