Dasma e tyre ishte ndër më të përfolurat dhe mezi pritej nga të gjithë. Orinda dhe Turi vendosën që të finalizonin këtë muaj dashurinë e tyre 10-vjeçare në martesë.
Një martesë që u përfol për shumë detaje dhe njëri ndër ta është edhe shuma e shpenzuar për ceremoninë. Këtë kuriozitet e ka shuar Armand Peza, drejtuesi i kompanisë që kuroi në detaje ditën më të lumtur të çiftit në studion e “Lart e Poshtë”.
“Është një rregull i pashkruar: vajzat shpenzojnë 3 rroga mujore për një veshje nusërie dhe për dekorin e një feste shpenzohen deri në 10 rroga mujore. Jemi shumë larg kësaj vlere, sidoqoftë rroga e Turit dhe Orindës njëkohësisht. Sado të duket “glamour” kjo festë, nuk është se ka kushtuar aq sa mendohet që ka kushtuar”, është shprehur Preza.
