Nëse po prisnit të argëtoheshit me muzikën e Flori Mumajesit në klubet e natës, këngëtari ka një lajm të keq.
Këngëtari ka lajmëruar përmes një statusi në “Instagram”, se ka probleme me shëndetin, nga një dëmtim që ka pësuar në kraharor, ndaj është i detyruar të anulojë gjithë koncertet që ka gjatë kësaj periudhe.
Duke thënë se ka një dhimbje të madhe në kraharor, ai bën me dije se mjekët e kanë lajmëruar se do t’i duhen 3-6 javë për t’u rikuperuar.
“Nuk di a duhej ta bëja këtë postim apo jo, por e ndjej detyrim për ata njerëz që nuk kanë mundur të më shohin në koncert. Kam dy dite që luftoj me dhimbjen në kraharor për të mos munguar , për të qenë aty me ju deri në minuten e fundit… Por nuk ja dola dot dhe kjo është dhimbja më madhe në të vertet… Pas këtij lendimi rrezikoj ti anulloj të gjitha koncertet! Doktorët më kanë dhënë afat nga 3 deri në 6 javë për tu rikuperuar, por une shpresoj se do të bëhem mirë më shpejt. Shpresoj mos t’ju shqetësoj ky postim! Nuk me pëlqen ta dramatizoj më shumë, është lëndim i kockës brenda në krahë që duhet kaluar me energji pozitive. Ju dua”, shkruan Flori.
