Pasi u bë i ditur lajmi se tifozi Ismail Morina i njohur si ‘Ballisti’, do të ekstradohet në Serbi, nisen reagimet.
Përveç botës së futbollit, në përkrahje të Ballistit kanë dal edhe artistët shqiptarë.
Ka qenë këngëtari Sidrit Bejleri i cili përmes një statusi në Instagram, kërkoi liri për Ballistin.
“#meballistin” shkruan këngëtari sipër fotos në të cilën gjendej tifozi me mbishkrimin “Liri Ballistit”.
Të njëjtën mbështetje e ka treguar edhe këngëtari Gent Fatali, duke publikuar imazhin e Ballistit në Instagram.
Kujtojmë që Ismail Morina është tifozi i cili lëshoi dronin në ndeshjen midis Serbisë dhe Shqipërisë në Beograd.
