John Travolta ndan me të gjithë dhimbjen e tij të vazhdueshme në përvjetorin e 7-të të largimit nga jeta të djalit të tij të madh. Aktori shkruan një mesazh prekës dedikur djalit të tij Jett, ndërsa thirrja e tij vjen si apel për të gjtihë prindërit dhe fëmijët.
Ylli i filmit “The Grease” ende vuan ndarjen nga jeta të djalit të tij pas një aksidenti në dush në janar të vitit 2009, i cili vuante nga autizmi.
Travolta e shkruan këtë mesazh për dashurinë nga ana e tij si prind, ndërsa u kujton fëmijëve që asgjë nuk është e përjetëshme.
“Thonë që gjëja më e vështirë në botë është humbja e një prindëri. Tani mund të them që nuk është e vërtetë. Humbja e një fëmije, është gjëja e më e vështirë. Humbja e dikujt që ti e ke parë të rritet dita-ditës përpara teje. Dikujt që ti i ke mësuar si të ecësh dhe të flasësh. Dikujt që ti i ke mësuar si të dashurojë. Është gjëja më e këqe që mund t’i ndodhë dikujt”, nis mesazhin e tij prekës aktori.
“Ai solli kaq shumë gëzim në jetën time. Ishte gjithçka për mua. Në ato 16 vite kur isha babai yt, mësova të dashuroj pa kushte. Duhet të jemi mirënjohës për fëmijët tani, e ata të jenë mirënjohës për prindërit. Sepse jeta është shumë e shkurtër. Kaloni kohë me prindërit dhe ju prindër kaloni sa më shumë kohë me fëmijët tuaj. Silluni mirë me ta sepse një ditë kur të ngrini sytë nga telefoni juaj, ata nuk do të jenë aty. Ajo që kam mësuar në të vërtetë është që jetoni dhe dashuroni çdo ditë si të jetë e fundit, sepse një ditë do të jetë në të vërtetë”, përfundon thirrja e Travoltës.
Mesazhi i tij tashmë është kthyer në një burim frymëzimi për shumë njerëz, të cilëve aktori i kujtoidiçka kaq të thjesht të cilën ata e harrojnë.
