Ku ka më mirë sesa të servirësh darkën në një set pjatash, që të bën të ëndërrosh për udhëtime në Lindjen e Largët, në vend që të mendosh për shtimin në peshë.
Samarkand, ky qytet që arriti kulmin në shekullin e 14-të dhe mahniti evropianët, me arkitekturën e tij spektakolare dhe artin e lartë të artizanatit është burimi më i fundit i frymëzimit për Villeroy & Boch.
Seti i ri i pjatave dhe filxhanëve, sjellin elemente të folklorit të Lindjes për të zbukuruar tryezën tuaj. Dizajni i këtij seti është frymëzuar nga elemente, të arkitekturës Lindore dhe stoli që zbulojnë karakterin e tyre ekzotik vetëm me një shikim. Ngjyrat e bukura dhe kombinimet elegante të tyre, simbolizojnë çmueshmërinë dhe shkëlqimin e setit.
Ngjyra mbizotëruese akuamarin, së bashku me portokallinë, të verdhën e ëmbël dhe rubinin, simbolizojnë udhëtimin përgjatë Rrugës së Mëndafshit, nga Kina përmes Indisë dhe Persisë në Arabi, me zbukurime të shtrenjta dhe dashuri të madhe për detajet. Ato paraqesin figurën e një kali, dhe akset e pjatës janë të dizajnuara me mjaft mjeshtëri.
Edhe pse nuk është i përshtatshëm për mikrovalë për shkak të skajeve të arta, Samarkand Aquamarine shkon në mënyrë të sigurt në pjatalarëse.
Prodhuar zyrtarisht nga 2011 në 2013, Villeroy & Boch Samarkand Aquamarine u rifreskua në 2015-n me shtimin e setit shërbyes për darkë në koleksion.
Ju mund ta gjeni vetëm në dyqanin e Villeroy & Boch në qendrën Metropol, rruga Sami Frashëri.
Burimi: Iconstyle.al
