Katër këngëtare shqiptare do të marrin pjesë në njërin prej festivaleve më moderne të muzikës në Moskë. Dua Lipa, Bebe Rexha, Arilena Ara e Era Istrefi janë emrat e përzgjedhur që do të performojnë në “Evropa Plus”.
Këtë lajm e ka bërë të ditur edhe vet posteri zyrtar i festivalit, i cili ka shfaqur listën me emrat e pjesëmarrësve, në të cilën bëjnë pjesë edhe katër këngëtaret në fjalë.
Dua, Bebe dhe Era janë emra, projektet e të cilave janë të njohur ndërkombëtarisht, ndërsa edhe Arilena ka bërë një rrugë shumë të suksesshme me këngën “Nëntori”, e cila depërtoi në disa shtete sllave, dhe në Rusi.
Data kur do të mbahet ky festival është 29 korrik, në kryeqytetin rus, në Moskë, ku do të ngjiten në skenë edhe katër artistet shqiptare të lartpërmendura.
