Tashmë është konfirmuar lajmi i largimit të Marina Vjollcës nga Top Channel. Moderatoren do ta shohim së shpejti në TV Klan, por ende nuk ishte e qartë se çfarë emisioni do të bënte Marina në këtë televizion.
Së fundi është zbuluar se më e madhja e motrave të famshme Vjollca do të jetë në konkurrencë të hapur me Alketa Vejsiun.
“Xing.al” raporton se, Marina do të drejtojë një emision muzikor, i cili është një format francez i përshtatur. Ende nuk dihen shumë detaje, por thuhet se autor do të jetë një nga figurat më të rëndësishme të këtij grupi mediatik.
Nga ana tjetër, Alketa Vejsiu drejton disa formate që kanë të bëjnë me muzikën, nisur që nga “X Factor” e për të vazhduar me “Your Face Sound Familiar”.
