Këngëtarja e njohur, Jennifer Lopez, e ka festuar siç i ka hije 48-vjetorin. Në muajt e fundit ajo nuk po ndahet nga i dashuri i saj, ish-ylli i bejsbollit Alex Rodriguez, i cili aktualisht është një biznesmen.
Dy të dashuruarit i kanë festuar bashkë ditëlindjet e tyre, të dielën mbrëma në Miami.
Profilet e tyre në “Instagram”, por edhe në ato të miqve, janë mbushur me fotografi dhe videoxhirime, ku dy yjet duken shumë të dashuruar.
Lopez kishte veshur një fustan të shkurtër shumë provokues, ndërsa Rodriguez kishte veshur kostum me ngjyrë të kaltër. Këngëtarja e famshme ka bërë disa vallëzime të nxehta pranë partnerit të saj.
Ndryshe, J.Lo ka lindur më 24 korrik 1969 dhe ka mbushur 48 vjeç, kurse Alex ka lindur më 27 korrik 1975 dhe pas tri ditësh do të mbushë 41 vjeç.
