Emina Cunmulaj është një nga modelet shqiptare më të famshme në botë. Ajo ka pozuar për një sërë kopertinash, ka marrë pjesë në shumë sfilata dhe aktualisht po studion për dizajn. Dy vite më parë, bukuroshja shqiptare, Emina Çunmulaj, u martua me miliarderin iraniano-amerikan, Sam Nazarian, drejtues i disa kompanive dhe rrjeti hotelesh dhe ka me të një vajzë, e cila mban dy emra, Ella Faria.
Emina gjithmonë në videot që shpërndan flet dhe i mëson gjuhën shqip,e vajzës së saj dhe gjithmonë është shprehur krenare që është shqiptare. Ajo u rrit në një fshat në Malin e Zi e më pas u largua në SHBA , ku nisi karrierën në modeling. Para shumë vitesh ajo ka humbur mamanë dhe ka një vëlla, dhe motrën po ashtu modele. Ajo ka treguar gjithmonë origjinën e saj, fëmijërinë me pak të ardhura por gjithsesi të lumtur, dhe këtë verë ka vendosur t’ja tregojë bashkëshortit të saj duke e çuar atë në banesën, ku është rritur, në Korita, Mal i Zi.
“Jam shumë krenare se nga kam ardhur dhe sot ishte një përvojë mahnitëse që i tregova njeriut që dua vendin dhe shtëpinë time” mbishkruan ajo krahas fotos së postuar në “Instagram”.
