Kanë kaluar mbi dy vjet që Marina dhe Getoari janë në një lidhje, por duhet të vinte 35- vjetori i këtij të fundit që të mund të shihnim një foto familjare, siç u ka hije dy të rinjve.
‘Prive’ ka publikuar një foto gjatë një darke familjare ku Marina, nusja e shtëpisë, shfaqet pranë partnerit, prindërve të tij, Florijes dhe Ibrahimit dhe vëllait, Liberianit.
E gjithë familja e bashkuar pozon para kamerës, por vetëm Marina dhe vjehrra duken të buzëqeshura, pasi burrat e shtëpisë mbajnë një qëndrim shumë serioz përpara aparatit.
35-vjetori i reperit të Babastars nuk solli vetëm këtë foto familjare, por për herë të parë edhe Marina i ka dedikuar një urim romantik, të dashurit të saj nëpërmjet një fotoje të të dyve të publikuar në “Instagram”.
“Siç më ke bërë mua të lumtur, dua që me lumturi të të ecë e gjithë jeta. Të dua më shumë çdo ditë. Burri jem!” i drejtohet moderatorja e Top Channel ‘të shtrenjtit të saj’.
