Ju kujtohet ta keni dëgjuar ndonjëherë të flasë Kate Middleton? Ne na kujtohen të gjitha veshjet e saj, fiksimi pas ngjyrës nude dhe ajo buzëqeshja brilante, por zërin nuk po arrijmë ta sjellim ndër mend.
Mesatarisht 1.22 milionë njerëz kërkojnë në “Google” për dukeshën në muaj. Pavarësisht famës, ne rrallëherë e dëgjojmë të fasë.
Pas dasmës, çiftit mbretëror qëndroi në hije dhe larg skenës publike. Së fundi, duke konsideruar moshën e thyer të mbretëreshës, Princi dhe Kate janë bërë më prezent në publik. Dukesha, madje ka marrë përsipër detyra dhe angazhime të mbretëreshës.
Kate punon me individë të ndryshëm dhe e fokuson vëmendjen e saj në evente që kanë lidhje me fëmijët ose me të sëmurët. Me gjithë këto aktivitete që dukshëm kërkojnë të jetë vokale, rrallëherë na e ka kapur veshi ndonjë fjalim të saj.
Sipas burimeve të ndryshme, ajo nuk ndihet komode me të folurin në publik. Pas fjalimit të saj të parë në 2012-n, Kate tha: “Fjalimet më bëjnë shumë nervoze”.
Por ka edhe një tjetër arsye! Një pjesë e madhe e famës së familjes mbretërore është falë misterit rreth tyre. Siç e tha dhe vetë princi: “Nuk duam të zbehim magjinë”.
