Parandalohet një vetëvrasje në Korçë. Një 15-vjeçare është shpëtuar nga forcat e policisë, pasi prej disa kohësh ndiqte udhëzimet e lojës vdekjeprurëse “Balena Blu”.
Sipas policisë, e mitura kishte arritur deri në nivelin e 30-të lojës, dhe dyshohet se do të kalonte deri në vetëvrasje. Për momentin 15-vjeçarja ndodhet në gjendje të mirë shëndetësore, nën kujdesin dhe kontrollin e prindërve të saj, duke u asistuar edhe nga një psikologe.
Ky është rasti i dytë që regjistrohet në vendin tonë kur loja vdekjeprurëse “Balena Blu” tenton të marrë jetën e të miturve.
Pak ditë më parë në Gjirokastër u parandalua vetëvrasja e një 14-vjeçarje e cila gjithashtu kishte marrë instruksione përmes “Facebook”-ut nga administratorët e lojës sesi të vetëvritej.
