E vështirë të mendosh se kreu i qeverisë, Edi Rama ia ka lënë në dorë rastësisë veshjen e tij dhe të bashkëshortes.
Në aktivitete të ndryshme ku ai është në sy të publikut, Rama është shumë i kujdesshëm që veshja e tij të jetë në harmoni me atë të bashkëshortes, Linda Rama.
Që të dy duken shumë trendi dhe sportivë dhe veshja e tyre nuk lë askënd indiferent. Deri këtu nuk ka asgjë të re. Por në inaugurimin e sheshit “Skënderbej” na ra në sy diçka tjetër. Jo vetëm me bashkëshorten Linda, por Rama ishte kombinuar në veshje edhe me kryebashkiakun Erion Veliaj dhe bashkëshorten e tij, Ajola Xoxa.
Që të katërt kishin preferuar këmishë të bardhë dhe pantallona të zeza, gjë që i bënte shumë të veçantë në atë mbrëmje inaugurimi, që natyrisht kishte rëndësi për Ramën dhe Veliajn, dhe u duhej që të kuronin mirë çdo detaj, deri në veshjet e secilit.
