Ne të gjithë e dimë sesa e vështirë t’i përmbahemi kodit të veshjes së zyrës në mes të vapës.
Dhe kështu kur punëtori i një “call-center”-i, Joey Barge, u dërgua në shtëpi nga puna pasi kishte veshur pantallona të shkurtra, ai dha përgjigjen e përsosur.
U kthye më vonë gjatë ditës në punë duke veshur një fustan më të gjatë rozë.
20-vjeçari anglez postoi zgjedhjen e tij të veshjes në “Twitter”, si një protestë ndaj kodit “seksist” të veshjes ndaj kompanisë që punonte.
Ai shkroi:
“Më kthyen në shtëpi dhe më thanë të ndryshoja veshjen e papërshtatshme, por thanë që femrat mund të veshin fustane kështu që hej ho!”.
Dikush reagoi se nëse femrat mund të veshin fustane dhe funde, pse nuk duhet të veshin meshkujt pantallona të shkurtra.
Për fat të mirë, kompania e Joey duket se ka ndryshuar kodin e saj të veshjes nga protesta e tij dhe tani lejon që meshkujt të veshin pantallona të shkurtra, por vetëm nëse janë të zeza, ngjyrë bezhë ose blu.
Burimi: Independent
