Reperi Prodigy i grupit “Mobb Deep” ka ndërruar jetë të martën në moshë 42-vjeçare.
Ai është gjetur pa vetëdije në Las Vegas dhe shkaku i vdekjes mbetet i paqartë.
Zëdhënësi i grupit ka publikuar një deklaratë për median duke konfirmuar vdekjen.
Ai ka bërë të ditur se Prodigy ishte shtruar në spital, para disa ditësh në Las Vegas, pas komplikimeve nga anemia.
Reperi e ka pasur këtë sëmundje që nga fëmijëria, ndërsa akoma nuk është përcaktuar shkaku i saktë i vdekjes.
Grupi “Mobb Deep” përbëhej nga dyshja Prodigy dhe Havoc, të cilët kanë qenë shumë të suksesshëm në vitet ’90.
