Dikur mike, sot armike. Kjo për shkak të një sherri virtual në dhjetor të 2015─ës, konflikt për të cilin janë dëshmitarë ndjekësit në “Instagram” të dy vajzave të muzikës. Shkak u bë një postim i Beatrixit, me të cilin në media u fol se thumbonte Enca Haxhinë. Ajo postoi një foto ku shihet përdorimi i tepruar i photoshopit, pas së cilës shihet dera e deformuar.
Sipas mediave, këngëtarja e kishte realizuar këtë foto për të ironizuar kolegen e saj Enca Haxhia, e cila kishte pasur një foto të tillë pasi vetë shkruante “no filter”, “no make up” nën këtë foto. Pas kësaj nuk vonoi shumë reagimi i Enca Haxhisë, e cila brenda ditës vendosi t’i kundërpërgjigjej koleges së saj, Beatrix Ramosaj.
Ajo e komentoi si xhelozi dhe pak minuta famë që dikush po i përfitonte në krah të saj.
“Pure jealousy edhe te koncerti i shkollës when u tried to sabotage my appearance? I remember the only time u made it to front page Was when u mentioned my name…im giving u 15 minutes of fame, numëroji mirë.. Apo s’din me mbledh?! Për fansen time”, ka shkruante Enca në “Instagram”.
Madje, Haxhia ka shkruar se ku është ajo sot, pa karrierë, pa show, por vetëm në shtëpi, duke folur për të. Por edhe pse kanë kaluar pothuajse dy vjet, duket se marrëdhënia mes tyre ka mbetur armiqësore njësoj.
/Panorama/
