Disa javë më parë, Era Istrei publikoi në rrjetet sociale disa imazhe të realizuara për një revistë të njohur botërore në bashkëpunim me markën “Guess”.
Bëhet fjalë për revistën e njohur amerikane “Nylon”, media e cila merret me trendet e fundit të modës, muzikës dhe shumë fushave të tjera.
Fotot, të publikuara në muajin prill duket se ishin shkëputur nga koha që ajo përgatitej për projektin.
Tashmë në profilin zyrtar të “Instagram”-it të revistës është postuar një pjesë nga projekti tashmë i përfunduar.
Në një video të shkurtër, shfaqet Era, e cila teksa pozonte e veshur nga marka e njohur “Guess”, dhe këndonte hitin e saj të fundit, “Redrum”
Sigurisht, ky është një tjetër hap i madh drejt karrierës ndërkombëtare.
