Një tjetër rast i viktimës së lojës “Balena Blu” shënohet në Shqipëri, më saktë në qytetin e Durrësit. Bazuar në raportimin që ka bërë një qytetar si dhe fotot e sjella në redaksinë e Jeta Osh Qejf, një djalë në moshë të madhe është prekur nga kjo lojë.
Ai ka bërë disa prerje në duar, çka kanë arritur t’i dallojnë kolegët e punës. Djali punon në Call Center dhe u ka treguar miqve të tij se është në nivelin e 40- të të lojës.
“Jeta Osh Qef, kemi një rast të pazakontë. Një djalë te puna ime që punon në call center dhe është 28 vjeçar, luan balenën blu. Po shkojmë ta çojmë tek një psikolog. Shyqyr që e kapëm se ne e shifnim që ishte çun i ndrojtur dhe kishte probleme familjare. Ishte në nivelin e 40-të na tha. Për momentin është i shokuar dhe shyqyr e kapëm në kohë se nuk po na tregonte. Ka nja dy ditë që e shihnin dhe te puna kishte hapur adresën e Balenës Blu dhe na dukej e çuditshme sepse në punë vinte me mëngë të gjata. Nuk e dimë çfarë vizatimi është ky në dorë por na tha që i kanë kërkuar të presë dorën dhe të bëjë balenën”.
