Më në fund është arrestuar “truri” i lojës më të frikshme online, Balena Blu, që i shtynte adoleshentët të ndërmerrnin veprime sakrifikuese deri në vetëflijim.
Ilya Sidorov, 26 vjeç, është akuzuar se inkurajonte të rinjtë e pambrojtur të lëndonin vetveten dhe në fund të vetëvriteshin në një lojë shumëplanëshe që quhet “Sfida e Balenës Blu” ( ‘Blue Whale Challenge” ) dhe që sot lidhet me 130 vdekje.
Ai thuhet se pranoi para hetuesve të shtetit se ka drejtuar një grup vetëvrasish me më shumë se 32 anëtarë.
Sipas Mail One, Sidorov u filmua duke qarë kur policia e mori në pyetje sesi e instruktoi një nxënëse shkolle që të hidhej nën trenin e metrosë. Ai u arrestua dhe u dërgua në rajonin e Çeljabinskut në Urales, me akuzën se inkurajoi një 13-vjeçare për të vrarë veten.
Sidorov u zbulua pas një tentative vetëvrasjeje të një vajze 14-vjeçare në fillim të këtij viti, tha zëdhënësi i Ministrisë së Brendshme të Rusisë, kolonel Irina Volk.
Gjatë kontrollit, u konsifksuan pesë telefona celularë, një tabletë dhe disa karta SIM.
“I dyshuari sqaroi se ai ishte administratoi i të ashtuquajturit grup vetëvrasës që kishte 32 anëtarë të gjithë nën moshë,” tha ajo. Ai u caktonte atyre detyra që synonin të plagosnin veten për të nxitur vetëvrasjen.
Muajin e kaluar, një vajzë 15-vjeçare u shpëtua pasi u hodh në një lumë të trazuar malor në Republikën e Kabardino-Balkaria në Kaukazin rus. Ndiqni videot më poshtë: shpëtimin e vajzës dhe momentin e arrestimit të postierit:
