“Backstreet Boys” apo “Spice Girls” u rikthyen dhe të gjithë janë të çmendur pas tyre, njëkohësish po ndihemi kaq të plakur.
Si ikën kaq shpejt dhe sa shumë kanë ndryshuar gjërat për gjithsecilin, kjo duket se është efekti që japin rikthime të tilla.
Ato ishin vajzat e para që dolën me klipin e tyre në një fuoristradë, siç ishte edhe titulli i këngës, sillnin freskinë e rininë e moshës nëpërmjet stilit dhe trendit të fundviteve ’90.
Formacioni do te quhej “Spirit Voice” (Zëri i Shpirtit), pasi pjesëtaret e grupit ishin të gjithë besimtare, përveç faktit që muzika për ta buronte nga shpirti. “Spirit Voice” përbëhej nga: Brikel Guga (saksofon), Angjelina Gilardi, Larisa Vrana, Dorina Nizami, Soni Malaj dhe më pas edhe Elia Zaharia.
Grupi doli për herë të parë në Festivalin “Këngët e Stinës”, në vitin 1997, ndërsa pas shpërbërjeve të fundit, pjesë e tij mbetën vetëm Soni, Elia dhe Dorina.
Ndërsa kjo e fundit jeton në Amerikë me bashkëshortin dhe dy fëmijët e saj, Soni me Elian dhe Brikelin kanë pasur një ritakim së fundmi.
“Me mjeshtrin Shpëtim Saraçi. Njeriu që besoi dhe mbështeti aq shumë grupin tonë “Spirit Voice”. Mirënjohje për të dhe kënaqësi e madhe, që vazhdon të na mbështesë me po të njëjtin besim, në karrierat tona individuale”, shkruan Soni Malaj bashkangjitur fotos.
Por mos nënkupton kjo për një ribashkim të tyre? Ne mezi po e presim!
Burimi: Iconstyle.al/Instagram
