Ka mbetur vetëm një ditë nga hapja zyrtare e sheshit “Skënderbej”, të shtunën, më 10 qershor.
Ndërkohë, pamjet e para të tij kanë dalë në media dhe deri tani duket se sheshi ka marrë një pamje shumë ndryshe. Kryetari i bashkisë së Tiranës, Erion Veliaj, ka ndarë me publikun në profilin e tij disa prej momenteve të fundit të sheshit, i cili po bëhet gati të “prezantohet” me kryeqytetasit.
Duket se “Skënderbej” do të jetë një shesh gjithëpërfshirës. Këtë e ka vënë në dukje edhe kryetari Veliaj. Sot, përmes disa fotove të publikuara në “Facebook”-un zyrtar, Veliaj ka treguar edhe disa foto nga Altari, një vend i veçantë në shesh, i cili, me shumë gjasa, do të jetë vendi i preferuar i çifteve që do të lidhin kurorë.
“Pas Tarracës së Bashkisë apo Resë te Galeria, vë bast që Altari i ri tek Sheshi Skënderbej do jetë vend i preferuar për ceremonitë martesore…”, shkruan Veliaj në “Facebook” pas këtyre fotove të postuara. Pse jo?
