Dafina Zeqiri tashmë ka nisur një karrierë ndërkombëtare në Shtetet e Bashkuara. Këngëtarja po bashkëpunon me kompozitorë të njohur në Los Angeles për projektet e radhës, ndërsa është në rrugë të drejtë për të arritur majat edhe atje.
Në një intervistë për “Telegrafin”, Dafina tregon për suksesin e arritur jashtë kufijve me projektin e saj “Four Sesons”, si dhe projektet tjera që pritet ta ndriçojnë atë në këtë rrugë.
Këngëtarja rrëfeu edhe për mënyrën sesi arriti të “rrëmbejë” në klip reperin e famshëm French Montanan:
“Ne kemi punuar një ditë rreth këngës “Four Seasons”. Rick Steel është po ashtu producent ekzekutiv dhe shok i afërt i French Montanes që prej disa vitesh. Unë e njoh Frenchin (Karim emri original), që katër vite dhe jemi lidhur si familje shkaku i bashkëpunimit dhe relacionit të tij me Rick Steel. Po ashtu i pëlqen zëri im dhe më ka suportuar që nga dita e parë që më dëgjoi duke kënduar në studio. Ai me kënaqësi mori pjesë në videoklip dhe priten bashkëpunime të tjera mes nesh”.
Këngëtarja ka folur edhe për një moment të pakëndshëm që i ndodhi në Kosovë me ata që i konsideronte miq. Bëhet fjalë për fitnesin “Five Star Fitnes”, i cili pati shumë sukses kur Dafina u bë figura e tij, por pasi u shfrytëzua imazhi i saj, “kolegët” i kërkuan Dafit një shumë të madhe parash:
Para shumë vitesh kur ushtruam në një Fitness GYM në Prishtinë unë dhe dy shokë të mi, lindi ideja që të kemi një fitnes tonin një ditë (ata me dije që unë kam një pasion të madhe për palestër dhe gjithmonë dëshirë ta hapi një biznes jashtë muzikës). Mbas plot takimeve, dhe plane vendosim që pjesa ime (puna për në fitnes) ishte marketingu, të jem fytyra e fitnesit dhe e involvuar brenda: rregulla, punëtor, trajnerë personalë, takime etj.) ku unë isha pjesë e fitnesit së bashku me katër persona tjerë, ashtu mendova unë dhe më thanë që jam.
Puna ime e cila më ka kushtuar shumë kohë dhe të cilën arrita ta përfundoj pa gjumë dhe me shumë sukses, në fund nuk u vlerësua nga “kolegët” e mi. Ku ata mbas tri vitesh më kërkuan të paguaj një shumë parash absurde , të jem ende pjesë e fitnesit (cilën ata vetëm më thanë që kam që nga fillimi sepse ajo ishte “sfidë”) . Gabim bëra unë që me besim të madh nuk kërkova kontratë ndaj “shokëve” të mi por nuk e prita që në fund të me keqpërdorin deri në atë masë që fjalët e fundit ndaj pronareve ishte “kështu ashtu të gjithë mendojnë që fitnesi është i yti, reklama postera sa të duash dhe kemi arrit shumë sukses, tash mund të vazhdojmë dhe pa ty”.
Isha shumë e dëshpëruar me fitnesin, shokë dhe vetveten. Nuk isha unë e vetmja e cila u keqpërdor për suksesin e fitnessit, ishin plot punëtorë të tjerë të dëshpëruar sepse s’kishin marrë pagesë ndaj fitnesit për mundin, punën e cilit e kanë kry për ta. Në fillim s’pata dëshirë të flas, të jem e hapur për këtë punë sepse s’kisha kontratë, por në fund vendosa të flas me ju dhe që ta dinë edhe fansat / të mësohen nga gabimi im dhe besimit të madh ndaj rrethit – “Sigurohu që çdonjëri në ‘varkën’ tënde është duke lundruar me ty, jo duke shpuar vrima”.
