A e imagjinonit dot një lidhje pa shkëmbyer kurrë një mesazh telefonik?!
Për disa mund të jetë e pabesueshme, por aktorja Nicole Kidman e ka pohuar këtë për numrin e ri të revistës “InStyle”. Në intervistën e saj ajo ka thënë se kur vjen puna te teknologjia e komunikimi përmes saj, ajo është krejtësisht me të vjetrën.
Ajo është e vendosur kur thotë se vazhdon të këmbëngul për të dëgjuar zërin e njerëzve. Ju që nuk duroni dot në pritje të përgjigjes së 7 të radhës brenda orës, mendoni pak për çiftin e famshëm që nuk ka shkëmbyer kurrë asnjë mesazh.
“Ne flasim vazhdimisht në telefon, nuk dërgojmë asnjëherë mesazhe. Kështu kemi bërë gjithmonë! Jemi me të vjetrën!”, thotë Kidman.
Nga ana tjetër, sipas saj, mesazhet kanë gjithmonë një ‘kod’ që keqkuptohet.
Por, nga ana tjetër Nicole nuk e mohon që është në një grup “chati” me shoqet e saj më të ngushta, me të cilat planifikojnë udhëtimet apo daljen e radhës.
Burimi: InStyle
