“Më falni, shkova shumë larg, nuk duhet ta bëja. Kam bërë shumë gabime në jetën time, por do të vazhdoj të punoj”.
Kështu u shpreh komediania e njohur Kathy Griffin, e cila ka tronditur globin teksa ka pozuar me foton e kokës së prerë të presidentit Trump në duar.
Ajo që ka habitur të gjitha ka qenë fakti se fotoja është e gjakosur duke krijuar pakënaqësi te komentuesit online.
Siç shihet në foton e postuar fillimisht në TMZ, Kathy duket sikur e ka kapur Trump prej flokësh dhe e quan të gjithën një art provokativ.
Ndërkohë për këtë foto ka reaguar edhe vajza e Hillary Clinton, kandidatja rivale e Trump në zgjedhjet e nëntorit të kaluar, e cila shkruan në Twitter: “Kjo është diçka e gabuar! Nuk është shaka vrasja e presidentit!”.
Por nuk ka zgjatur shumë dhe komediania ka kërkuar falje nëpërmjet një videoje në “Instagram” ku thotë se ndihet shumë keq dhe shkoi larg me foton famëkeqe.
Por incidenti nuk ka përfunduar me kaq, pasi CNN e ka pushuar nga puna komedianen, dhe ajo nuk mund të prezantojë koncertin e saj vjetor në CNN për Vitin e Ri.
