Aktorja Jacky Bracamontes ka zbardhur të vërtetën e historisë së tradhtisë që u përfol me kolegun e saj William Levy, ndërkohë që dyshja xhironin telenovelën ‘Sotiligio’.
Ajo ka nxjerrë një libër autobigrafik ku tregon të vërtetën e kësaj lidhjeje.
“Ai më kishte thënë se ishte ndarë nga partnerja e tij dhe kjo ishte arsyeja pse ne dilnim shpesh me njëri tjetrin. E dija që kjo situatë ishte e komplikuar pasi në mes ishte një fëmijë, djali i Levyt dhe unë nuk doja të formoja një familje me dikë që kishte fëmijë tjetër. E vërteta është se mes nesh kishte tërheqje speciale, kalonim shumë mirë së bashku dhe jemi argëtuar pafund”, ka thënë aktorja.
Gjithçka mori fund kur Jacky ka marrë një mesazh nga William Levy.
“Gruaja ime është shtatëzënë dhe pret një fëmijë të dytë nga unë”, shkruhej në mesazhin e dërguar nga aktori kuban.
Për Jackyn ky ishte lajm shokues, pasi ajo nuk e dinte që Levy dhe bashkëshortja e tij vazhdonin të kishin marrëdhënie. Me siguri ky shkrim mund t’i ketë habitur të gjithë.
Jacky është tashmë e martuar dhe ka tri vajza, kurse William Levy është kthyer me partneren e tij dhe ka dy fëmijë.
