Ariana Grande sapo konfirmoi se do të rikthehet në Manchester, pas një postimi në “Twitter”, ku shkruan se: “Nuk do të lejojmë që urrejtja të fitojë”.
Pak ditë pas tragjedisë së Manchester Arena, ku humbën jetën 22 persona, pas shpërthimit të terroristit 23-vjeçar, vjen dhe reagimi që të gjithë prisnim nga Grande.
Pas kthimit të dhimbshëm në shtëpinë e saj në Florida, ku u shfaq e përlotur në krah të të dashurit, 23-vjeçarja ka siguruar të gjithë adhuruesit e saj se do të rikthehet së shpejti me një tjetër koncert, të ardhurat e të cilit do të shkojnë për familjet e viktimave që humbën jetën ditën e hënë.
“Nuk ka asgjë që unë apo kushdo mund të bëjë për ta hequr dhimbjen tuaj. Gjithsesi, unë premtoj se do të jap gjithçka ju keni nevojë për t’ju ndihmuar. Nuk jam ndalur asnjë sekondë të vetme së menduari për fansat e mi, gjatë gjithë kësaj jave. Përballja juaj me gjithë këtë më ka frymëzuar dhe jam pafund krenare. Ne nuk do ta lejojmë frikën të na mundë. Përgjigja jonë për dhunën është bashkimi, të ndihmojmë njëri-tjetrin dhe ta duam më shumë se më parë. Do kthehem për ju!”, kjo ishte një pjesë e deklaratës, që këngëtarja ka postuar në rrjetet sociale.
Grande duket po përpiqet të bëjë gjithçka për ta ndarë dhimbjen me familjet e viktimave dhe gjithë të të lënduarve.
Burimi: Daily Mail
