Aktorët Ben Stiller dhe Christine Taylor i japin fund martesës së tyre pas 17 vitesh.
Ndarja e papritur e çiftit u raportua të premten, pasi dyshja dhanë lajmin me një deklaratë të përbashkët:
“Me dashuri dhe respekt të jashtëzakonshëm për njëri-tjetrin dhe 18 vitet që kaluam së bashku si çift, ne kemi marrë vendimin për t’u ndarë. Përparësia jonë do të vazhdojë të jetë rritja e fëmijëve, si prindër të devotshëm dhe miqtë më të afërt. Kërkojmë me mirësi që mediat të respektojnë privatësinë tonë në këtë kohë”, tha Stiller dhe Taylor për ET.
51-vjeçari Ben dhe 45-vjeçarja Christine u takuan për herë të parë në “Heat Vision and Jack” në vitin 1999.
Ata u martuan në vitin 2000 në një ceremoni pranë oqeanit në Hawaii dhe kanë dy fëmijë, vajzën Ella Olivia, 15 vjeçe dhe djalin Quinlin Dempsey, 12 vjeç.
“Kur e takova, mendova, “Kjo është e duhur”, tha Ben për ET në një intervistë për vitin 2007. “Isha, “Uau, është një person i mrekullueshëm, e dua”.
Gjatë viteve, çifti luajti në disa komedi së bashku, duke përfshirë “Zoolander”, “Zoolander 2”, “Dodgeball: A True Underdog Story”, “Tropic Thunder” dhe “Arrested Development”.
Në tetor të vitit të kaluar, Ben zbuloi se ai kishte luftuar një betejë të fshehtë pasi u diagnostikua me kancer të prostatës në vitin 2014.
Burimi: Daily Mail
