Nëse udhëtoni në fundjavë duhet të merrni një valixhe të vogël dhe mos ta mbushni me gjëra që nuk ju duhen.
1.Një fustan i zi të shpëton në çdo rast
Një nga veshjet e para që duhet vendosur në valixhe është padyshim një fustan i shkurtër i zi. Fustani i shkurtër i zi është ajo veshje që qëndron mirë me çdo gjë, një xhaketë xhinse, lëkure apo më klasike, me këpucë të sheshta apo me taka.
2.Një këmishë e bardhë qëndron mirë me çdo gjë, sport dhe klas!
Një tjetër veshje që nuk duhet të mungojë është padyshim dhe këmisha e bardhë. Kjo e fundit kombinohet me çdo gjë, me xhinse, me pantallona më serioze, me një fund ose dhe me një palë pantallona të zeza.
3.Një palë xhinse dhe një palë pantallona të zeza janë esenciale
Në fakt kur bëjmë gati valixhen për një fundjavë të shkurtër duhet të mendojmë dhe për një ngjyrë bazë që do të jetë ngjyra e pantallonave apo e fundeve për shembull.
Mund të zgjidhni ngjyrën që dëshironi, por e zeza është një ngjyrë e kombinueshme dhe që nuk krijon konfuzion. Pra veshjet e tjera që nuk duhet të harrojmë janë padyshim një palë pantallona të zeza dhe një palë xhinse për të pasur mundësinë të bëjmë një shëtitje apo vizitë në muze dhe një xhaketë me ngjyrë.
Përsa i përket këpucëve është e këshillueshme që të kemi një palë këpucë të sheshta dhe mos harroni atletet.
Veç veshjeve rëndësi të veçantë kanë dhe tualetet apo aksesorë të tjerë të higjienës personale. Është e këshillueshme që të gjitha këto sende t’i ndajmë në dy çanta të veçanta, njëra për tualetin dhe tjetra për higjienën personale.
