Një studio që bën tatuazhe në Mançester po mbledh para për viktimat e sulmit të tmerrshëm, që ndodhi tre ditë më parë pas koncertit të Ariana Grande në “Manchester Arena”.
Studioja “Alchemy Tattoo” në Wigan po bën tatuazhe bletësh për 22 paundë dhe të gjitha paratë shkojnë për bamirësi.
Sipas një përllogaritje të fundit deri më tani janë mbledhur 4,5000 euro.
“Bleta punëtore” është simboli i Mançesterit dhe i ka krahët e hapura, duke përfaqësuar të kaluarën e vështirë të qytetit gjatë revolucionit industrial.
Përgjigjia ka qenë e pabesueshme, pasi vendasit janë vërshuar të gjithë për të bërë tatuazhin e tyre, si një mundësi për të bërë bamirësi.
Diku tjetër, sallat e tatuazheve në të gjithë vendin kanë marrë përsipër kauzën, nga Jorku në Bournemouth, nga Brighton në Belfast.
Artistët e tatuazhit nga Mançesteri do të mblidhen në “Manchester Arena” këtë fundjavë për një shumë prej 50 paundë, për një tatuazh blete, për të mbledhur edhe më shumë para.
Burimi: Independent
