Fansat e Justin Bieber i kanë kërkuar yllin të pezullojë shfaqjet e tij të ardhshme në Britani të Madhe, pas sulmit terrorist të Manchester Arena.
Ndjekësit e këngëtarit shkruajnë në mediat sociale pas bombardimit të tmerrshëm në koncertin e Ariana Grande, mbrëmjen e së hënës, duke i kërkuar Bieber të rishqyrtonte koncertin e tij në “Hyde Park” të Londrës.
Turi i idhullit të adoleshentëve mendohet të mbahet në muajit qershor dhe korrik, por fansat po lobojnë që këto koncerte të mos zhvillohen dhe shprehen të bindur se menaxheri i tij Scooter Braun duhet të shqyrtojë datën.
“Muajin e ardhshëm Justin ka planifikuar një koncert në Angli dhe ne do t’ju luteshim të mos zhvillohej për arsye sigurie. Ju përgjërohemi!”, shkruan dikush në “Twitter”.
Të frikësuar nga tragjedia e ditëve të fundit, ata janë alarmuar për sigurinë e tyre. Nga ana tjetër, turet botërore janë një bizneset më fitimprurëse për artistët. Ndërsa vet këngëtari, vetëm pak orë pas bombardimeve të së hënës, postoi në llogarinë e tij të “Twitter”-it, datat në të cilat do të performojë në Londër. Por pas lutjeve dhe kërkesave të shumta të fansave, të gjithë presin reagimin e tij.
Burimi: Daily Mail
