Ish-futbollisti shqiptar Lorik Cana është rikthyer në Shqipëri bashkë me familjen e tij, bashkëshorten Monica dhe vogëlushin Bojken.
Çifti janë fotografuar nga Iconstyle.al, për herë të parë në një event publik në Tiranë, ku morën pjesë shumë të famshëm të tjerë. Të veshur mjaft seriozë, ashtu siç e kërkonte Kodi i Veshjes në eventin e mbajtur në kryeqytet, çifti u shfaqën shumë në harmoni me njëri tjetrin.
Monica kishte zgjedhur të vishej me pantallona të zeza dhe një xhaketë që ekspozonte dekoltenë, ndërsa këpucët lejla me takë, ishin ato që bënin kontrast. Ndërkohë Cana, elegant si gjithmonë, kishte veshur një kostum blu të errët me kravatë bojëqielli dhe këpucë sportive.
Loriku e ka përmendur më herët sesi është njohur me Monica-n në një restorant në Itali dhe sesi një rastësi e bukur, solli në jetën e tij shpirtin binjak.
“E pashë rastësisht në një restorant në Romë, i lashë numrin tim të telefonit kamerierit dhe ika, erdha në Shqipëri për t’u grumbulluar për ndeshje. Monika më dërgoi pas disa ditësh një mesazh ku me thoshte se këto mënyra kanë dalë nga moda, por mesa duket edhe pse jashtë mode, mënyra ime funksionoi”, është shprehur ai më herët.
Burimi: Iconstyle.al
