Këngëtarja e emocionuar, Ariana Grande, u dallua për herë të parë pas sulmit terrorist në koncertin e saj të Mançesterit të hënën, ndërsa zbriti në qytetin e saj të lindjes, Boca Raton, në Florida.
Ylli i “pop”-it u dallua me lot në sy, ndërsa zbriti nga avioni privat të martën pasdite dhe u përshëndet me të dashurin e saj Mac Miller, i cili po priste për të ngushëlluar këngëtaren 23-vjeçare.
Ariana, e veshur nga koka te këmbët me të zeza dhe ndërsa mbante një kukull njëbrirëshi në dorë, përqafoi dhe puthi të dashurin para se të nisej për në shtëpi.
Milleri gjithashtu u pa teksa përqafoi ngrohtësisht nënën e Ariana-s, Joan, e cila ashtu si vajza e saj ishte veshur tërësisht në të zezë.
Makinat e policisë u panë gjithashtu përreth shtëpisë së Joan-ës, më pak se 24 orë pasi 22 vetë humbën jetën dhe 119 të tjerë u plagosën, pas shpërthimit në “Manchester Arena”, vetëm pak çaste pasi Ariana performoi këngën e saj të fundit.
Burimi: Daily Mail
