Ariana Grande mësohet se është e shkatërruar nga ngjarja, ndërsa reagoi për herë të parë lidhur me shpërthimin që ndodhi në koncertin e saj përmes një postimi në “Instagram”.
“E shkatërruar. Nga thellësia e zemrës sime, më vjen shumë keq. Nuk kam fjalë”, shkruhet në statusin e këngëtares.
TMZ raporton se Grande nuk do të mbajë koncertin e Londrës të enjten, si dhe ka vendosur të ndalojë pjesën tjetër të turneut të saj evropian.
Ajo kishte planifikuar të performonte në Angli, Belgjikë, Poloni, Gjermani dhe Zvicër.
Vendimi vjen pas terrorit që ndodhi në fund të koncertit të saj mbrëmjen e së hënës, në “Manchester Arena”. Menjëherë pasi këngëtarja përfundoi performancën dhe iku nga skena, ndodhi një shpërthim i cili u mori jetën 22 personave dhe la mbi 59 të tjerë të plagosur, mes të cilëve edhe fëmijë.
Autoritetet dyshojnë për një sulm terrorist.
Burimi: Glamour
