Një kamariere është shkarkuar nga puna në Chiltern Firehouse pasi menaxheri e gjeti atë lakuriq në dhomën e Orlando Bloom pas një nate pasioni që kishte kaluar me aktorin.
Sipas “The Sun”, Viviana Ross, 21 vjeç, u bashkua me yllin e “Pirates of the Caribbean”, 40 vjeç, në një suitë me pesë yje pas përfundimit të turnit të saj në vendtakimin popullor të të famshëmve në Marylebone të Londrës.
Ajo u gjet në mëngjes nga menaxheri i saj, pasi Orlando ishte larguar dhe u pushuan nga puna për ‘afrim me klientët’, sipas një shoku të ngushtë.
Burimi tha për “The Sun” se Viviana ishte ‘lënduar’ nga shkarkimi, por nuk u pendua për ‘natën e seksit të pabesueshëm’.
Miku shtoi: ‘Ajo tha se pati një moment të mahnitshëm dhe trupi i tij ishte shumë i mirë. Ai ishte një dashnor jashtëzakonisht i mirë’.
Viviana, e cila erdhi në Mbretërinë e Bashkuar nga Rumania para dy muajsh për të ndjekur një karrierë filmike, thuhet se e ka takuar yllin ndërkohë që po i shërbente pije.
