Ato janë dy femrat që bëjnë krenarë të gjithë shqiptarët. Dhe më në fund ëndrra jonë për t’i parë bashkë është realizuar në natën e Billboard Music Awards.
Rita Ora dhe Bebe Rexha janë takuar së fundmi për herë të parë në natën e ndarjes së çmimeve “Billboard Music Awards”, në të cilin nuk munguan dy këngëtaret shumë të dashura nga e gjithë bota, në veçanti nga publiku shqiptar.
Pa asnjë dozë xhelozie por me shumë dashuri dhe respekt për njëra-tjetrën, Bebe dhe Rita janë takuar së bashku në prapaskenë, madje kanë realizuar edhe një selfie, të cilën e ka shpërndarë Bebe në “Instastory”. Që të dyja këngëtaret shqiptare, shkëlqyen në natën e mbrëmshme me paraqitjen e tyre në këtë event.
Rita Ora do të publikojë klipin e ri të premten dhe pjesëmarrja në Billboard Music Awards i shërbeu si një promocion për këngën. Ajo kishte zgjedhur një fustan tepër elegant por disi ekstravagant pasi në pjesën e poshtë ai ishte i gjithi prej rrjete, duke bënë në pah të pasmet e saj.
Ndërsa Bebe Rexha kishte zgjedhur një fustan të zi elegant që ekspozonte dekoltenë e saj, për t’u paraqitur në tapetin e kuq të Billboard Music Awards. Ndërkohë në skenë, ajo veshi një jumpsuit të zi pa reçipeta.
