Në një nga eventet e organizuara në Tiranë, ish-miss Shqipëria, Valbona Selimllari, e cila punon në Bashkinë e Tiranës, u shoqërua nga një djalosh i veçantë.
Ndoshta do të mendoni se bëhet fjalë për partnerin e saj, por jo! Po flasim për djalin e Valbonës, Denin, i cili është rritur dhe është bërë një djalë mjaft simpatik.
Kjo është ndër të rrallat raste ku ish-Missi del me fëmijët në publik. Megjithatë, ajo nuk ka nguruar të flasë për ta sa herë i jepet rasti.
Kohë më parë, Valbona Selimllari foli gjatë për fëmijët në një intervistë për Rudina Magjistarin.
“Mëmësia është ndjesia më magjike e një femre, ndjesi që shkojnë në harmoni me frikën se nga çasti në çast fëmijës mund t’i ndodhë ndonjë gjë e keqe…” – tregoi ajo, ndërsa kujtoi eksperiencën e parë si nënë.
“Eksperienca e parë kur kam lindur Denin ishte e paimagjinueshme. Kisha frikë edhe kur e prekja. Kam pasur një frikë të paimagjinueshme, nuk kam fjetur për dy muaj të tërë derisa gjërat u stabilizuan”, tha Valbona.
