Një nga surprizat e natës finale në spektaklin “The Voice of Albania” ishte perfomanca live e Besa Kokëdhimës dhe Elinel, të cilët do të prezantonin këngën e tyre “Mos m’le me ra”.
Por kur nisën të këndojnë, Elinel harroi tekstin dhe iku nga skena duke thënë “shit”. Besa i kërkoi të kthehet, duke improvizuar pjesë rap, por Elinel refuzoi duke u larguar.
Këngëtarja këndoi vetëm dhe të gjitha duartrokitjet e merituara, shkuan për të. Ndërsa Ledioni në fund tha “Ndoqët Besën”. Pak orë pas këtij incidenti, Elinel ka reaguar duke u kërkuar falje fansave dhe Besës, ndërsa u shpreh se ishin emocionet ato që e bënë të linte skenën.
“The Voice of Albania 6” ka mbyllur rrugëtimin duke kurorëzuar fitues të këtij edicioni, Klinti Çollaku.
