Ndarja e papritur e dy këngëtarëve më të dashur të skenës shqiptare, Flori Mumajes dhe Elvana Gjata, nuk është pranuar ende nga disa fansa të dyshes, që do të bënin gjithçka për t’i parë bashkë.
Secili prej tyre po ndjek rrugën e vet. Elvana ka ikur në Amerikë, ku synon të nisë një karrierë ndërkombëtare, ndërsa Flori është vendosur në Prishtinë prej kohësh.
Para pak ditësh, ai publikoi një video nga një lagje e njohur e kryeqytetit të Kosovës, ku banojnë shumë personazhe të njohur, Rezidenca Marigona, teksa me Klajdi Harunin po praktikonin, për atë ditë, pak stil jete të shëndetshme duke lëvizur me biçikletë.
Megjithatë, edhe pse duket sikur secili po ndjek rrugën e tij, publiku vazhdon të kërkojë t’i shohë bashkë. Në këtë video, jashtë teme, një nga ndjekësit e pyet Florin nëse do të bashkëpunojë më me Elvana Gjatën.
