Kur bëhet fjalë për klipin e ri, një artist do të bëjë çmos për të dukur i paparë. Por ndonjëherë mjeti dhe mënyra si e bën nuk është e duhura.
Ndaj fansat e reperit Mozzik e kanë kritikuar këtë të fundit për një foto të publikuar në “Instagram” ku duket se po mban të lidhur pas vetes një këlysh ariu, i cili nuk duket shumë i lumtur për mënyrën sesi po trajtohet.
Menjëherë kanë reaguar fansat e tij në komente, të cilët duket se nuk e kanë vlerësuar aspak këtë gjest duke e konsideruar si mizori ndaj kafshëve. Në fund të ditës është thjesht një shfaqje, por sërish duket se ata nuk e kanë falur këtë herë Mozzik-un.
