Vetëm një mjek mund ta kuptojë situatën në të cilën u ndodh dje anestezisti Tefik Zhurda, i cili nuk mundi ta përballonte humbjen 15-vjeçares Blerta Pepa dhe tentoi të vetëflijohet.
Apostol Vaso, mjeku anestezist i Spitalit të Traumës, ka reaguar përmes një mesazhi prekës në faqen e tij në rrjetin “Facebook” në lidhje me ngjarjen e rëndë.
Ai shkruan se do të bënte të njëjtën gjë si kolegu i tij, ndërsa u bën thirrje qytetarëve që të mos nxitohen me reagimet.
Mesazhi i plotë:
“Edhe unë do të bëja të njëjtën gjë që bëri shoku dhe kolegu im i apasionuar, Dr. Tefik Zhurda. Do të vetvritesha me anestezi. Nuk ka kam mundësi tjeter për të shprehur keqardhjen, hidherimin dhe humbjen që prindrit e vajzës përjetojnë këto momente, veç edhe unë të shprehem siç shoku im u shpreh.
Nuk ka mundesi tjeter për të sqaruar median dhe opinionin e gjerë, rreth trysnisë që ushtrohet ndaj mjekëve dhe vecerisht anestezistëve, vec këmbimit kokë më kokë, me jetën e humbur. Nuk ka mundësi tjeter për tju treguar juve, sa dashuri dhe humanizëm, vuajtje dhe dhimbje kemi ne, për cdo njeri te humbur në punen tonë. Nuk ka mundesi tjetër për ti sqaruar opinionit, se në cdo vend të botës një i sëmure me nje komplikacion të tillë,është e destinuar të ketë një fat të tillë.
Nuk ka mundesi tjetër për ti shprehur medias dhe opinionit publik, se edhe kur ke preparatin,i sëmuri vdes, Por nuk mund të ndodhi që mjeku të paragjykohet për humanizmin, profesionalizmin dhe përgjegjësinë prindërore, aq sa te bej suicid, që ta besojnë që nuk eshte sic ju e mendoni. Nuk ka mundesi tjeter që Tefiku dhe të gjithë koleget e mi,tju tregojnë se, kemi dhuruar gjak për të semurët tanë, pa na e kërkuar njeri dhe pa ja thenë njeriu, për të shpëtuar jetën e të semurëve tanë, të cilët kanë patur nevojën urgjente për gjak dhe më pas jemi kthyer në punë.
Nuk ka mundësi tjeter tju tregojmë se ne më shumë flemë në spitale sesa në shtëpi, që me shumë rrimë pa gjumë, sesa flemë. Nuk ka mundësi tjeter për të treguar se të gjithë ne, jemi të vetëm në këtë betejë të pabarabartë me opinionin dhe shtetin i cili asnjëherë nuk na ka mbrojtur. Nuk ka mundesi tjetër për ti treguar opinionit dhe medias që ne nisemi në mëngjes për në punë dhe kthehemi ne darke për të sigurar ekzistencën e familjes sonë me nje rrogë e cila nuk na mjafton dhe jo për të mbytur njerez. Nuk ka mundësi tjetër për të përballuar fjalën helm të medias, cila duke e menduar mirë dhe me cinizëm thotë,që anestezisti kishte mbidozuar preparatet e anestezise.
Nuk ka mundesi tjetër të shpjegojemi, që pas çdo të semuri që në anestezojmë, kemi nga mbrapa ligjin dhe gjykatën dhe gjithmonë kemi qenë të paragjykuar, për mos humanizëm. Nuk ka mundesi tjetër që tju themi : Njerez ju duam shumë dhe ne jemi ditë e natë në roje të shëndetit tuaj,madje duke dhenë dhe jetën tonë, që ta kuptoni dashurinë dhe pasionin tonë për kete mison. Nuk ka mundesi tjetër tju themi: Njerëz ne jetën tonë e kemi për Ju.”
