Tetë muaj pasi solli në jetën vajzën e saj Deizi, ish-Miss Albania Suada Sherifi duket mund të ketë plane për dasmë. Në shtator 2016, ajo rrëfeu për mediat se kishte në plan të bënte edhe një dasmë për të kurorëzuar dashurinë e saj me partnerin.
Asokoh Sherifi nuk bëri publike një datë të caktuar, por duket se dita e madhe mund të jetë fare pranë.
Gjatë së martës, Suada postoi një video në “InstaStory” ku shihet në një sallon nusërie, duke i bërë të gjithë të dyshojnë se ajo mund të jetë duke zgjedhur fustanin e bardhë për dasmën.
Megjithatë, ajo nuk ka dhënë asnjë informacion më tepër.
