Këto fotografi sapo konfirmojnë lidhjen më të re që dyshohej, ajo mes Kylie Jenner dhe Travis Scott, ish-të dashurin e Rihanna-s.
Romanca e tyre është ende në hapat e parë ndaj kuptohet më së miri përse Kylie dhe i dashuri i saj i ri nuk i mbajnë dot duart larg njëri-tjetrit, pasi u fotografuan duke shëtitur të përqafuar në një park në Miami.
19-vjeçarja ndodhej në qytetin bregdetar pikërisht për të qenë pranë Scott, i cili do të performonte në një koncert.
Kështu, Kylie nuk humbi aspak kohë pas ndarjes nga Tyga. Ajo mendohet t’i ketë dhënë fund lidhjes 2-vjeçare para 2 muajsh, ndërsa dyshimet për marrëdhënien e saj me reperin 25-vjeçar kanë nisur që në fillim të prillit.
Mësohet se Travis u ka thënë miqve të tij se ai dhe Kylie kanë një lidhje serioze. Këtë do ta tregojë koha!
Burimi: Daily Mail
