Parlamenti gjerman miratoi ndalimin zyrtarisht të mbulimit të plotë të fytyrës me shaminë myslimane, e njohur si burka, në vendet publike.
Anëtarët e dhomës së ulët të parlamentit gjerman miratuan ligjin, i cili do të shkojë tashmë në dhomën e lartë të Parlamentit për miratim.
Nëpunësit civilë, gjyqtaret dhe ushtaret do ta kenë të ndaluar të vënë burkan në punë, shkruan “BBC”. Partitë e krahut të djathtë po kërkojnë një ndalim të burkas në të gjitha vendet publike.
Gjatë 18 muajve të fundit në Gjermani kanë mbërrutur 1 milion emigrantë, duke përfshirë edhe shumë myslimanë të Lindjes së Mesme.
Angela Merkel bëri thirrje në dhjetor për ndalimin e burkave, pasi u shpreh se “perçja e plotë nuk është e përshtatshme në Gjermani”.
Merkel tha se ajo do të mbështesë një ndalim mbarëkombëtar, vetëm disa muaj pasi u shpreh se, burka ishte një pengesë për gratë myslimane për t’u integruar në shoqërinë gjermane.
Burimi: Daily Mail
