Një ngjarje e rëndë u regjistrua pasditen e së enjtes (20/3), ku një djalë 9-vjeçar u mbyt teksa po hante një portokall kur ishte në shkollë. Sakaq ai po trajtohet i intubuar në gjendje kritike në ICU të Fëmijëve të Spitalit Universitar të Larisës.
Ngjarja ka ndodhur në shkollën fillore 36, në zonën e Agios Konstantinos. Mësuesit kanë reaguar menjëherë, duke njoftuar urgjencën. Ekipet e shpëtimit që mbërritën në vendngjarje i dhanë ndihmën e parë, përpara se ta dërgonin me urgjencë në Spitalin e Përgjithshëm të Larisës.
Aty gjendja e tij shëndetësore u cilësua e rëndë, duke u transferuar në ICU të Fëmijëve të Spitalit Universitar.
